Vuođđokártta namat leat čoggojuvvon dálá muddui kártadahkkiid ja nammadutkiid ovttasbargun. Kárta galgá čuovvut áiggi, muhto seammás dat seailluha boares namaid ja gáhtte min kulturárbevieru. Maiddái árbevirolaš namat nuppástuvvet áiggi mielde, ja ássama viiduma dihtii šaddet áibbas ođđa namat.
Namat vuođđokárttas leat viđa gillii. Gielat leat suoma-, ruoŧa-, davvisáme-, anáraš- ja nuortalašgiella. Báikkiin sáhttet leat máŋga nama iešguđege gillii; gieldda váldogiella boahtá oidnosii namaid ovdanbuktinortnegis, earret Sámis gos namat almmuhuvvojit badjelaččas namuhuvvon ortnegis.
Áigeguovdileamos vuođđokárta lea interneahtas. Kansalaisen karttapaikka lea buohkaide rabas kártabálvalus, mas báikkiid ohcamii sáhttá geavahit buot 800 000 nama vuođđokárttas ja čujuhusnamaid miehtá riikka. Karttapaikka čujuhus lea www.karttapaikka.fi.
Vuođđokártta 800 000 báikenamas 230 000 dahjege measta goalmmadas namain leat áidnalunddogat: nubbi seammalágan namma kárttain ii leat. Sámeguovllus unihkkanamaid oassi lea vel stuorát.
Nammadávjodat vuođđokárttas
Vuođđokártta namat leat vuogas veahkki nammaplánejeaddjiide. Vuođđokárttas sáhttá váldit málle ja ávdnasiid ođđa namaid hutkamii, ovdamearkka dihtii lávvanamaid dahje doaresbeal guovlluid geaidnonamaid hutkamii.
Temákárttat vuođđokártta namain
Eanagottit (coahkkal gova stuorábun)
