Sámegiel báikenamat leat čoggojuvvon systemáhtalaččat 1960-logu rájes. Ruovttueatnan gielaid guovddáža Nammaarkiivvas leat sullii 11 000 sámegiel nammakoartta. Guovddáš atná dáid čoakkáldagaid ávkin kártanamaid dárkkistanbarggus.
Ovdamearkka dihte Leaibejávrri guovllu namat Eanodagas ledje vel jagi 1970 topográfalaš kárttas eanaš dušše suomagillii. Namaid dárkkisteami oktavuođas leat arkiivva ja eará gálduid vuođul lasihuvvon kárttaide árbevirolaš sámegiel báikenamat, mat leat ain anus. Lasáhusat ja nuppástusat leat vurkejuvvon Eanamihtidanlágádusa Eanadatdiehtovuđđui, man vuođul kárttat almmuhuvvojit.
Sámeguovlun Suomas adnojuvvojit Anára, Eanodaga ja Ohcejoga gielda ja Soađegili gieldda Vuohču guovlu.
Suomas hállojuvvojit golbma sámegiela: anáraš-, nuortalaš- ja davvisámegiella.
Vuođđokárttain leat 6 248 davvisámegiel, 4 622 anárašgiel ja 654 nuortalašgiel nama.
