Báikenamaiguin olmmoš hálddaša iežas birrasa. Namat leat navdojuvvon ja navdojuvvojit báikkiide, mat leat báikki geavaheaddjiide deaŧalaččat. Namma veahkeha muitit báikki ja muitalit dan birra maiddái earáide. Suoma boarráseamos báikenamat sáhttet leat golbma jahkečuođi boarrásat, ja ođđa namat šaddet juohke beaivve.
Sátnerádju mii namain lea, geažida dávjá nama addi álgoálgosaš giela ja kultuvrra. Maŋŋeleappos báikái fárrejeaddjit leat dávjá luoikkahan álgoálgosaš namaid iežaset atnui ja heivehan daid iežaset gillii, muhto leat addán namaid iežage. Seamma báikkis sáhttetge leat máŋga nama.
Báikenamat leat čoahkkáičárvasan árbediehtu báikkiid birra. Go muhtun báikki birra hállojuvvo ohpihii seamma láhkai, báiki lea ožžon nama.
