Kurttila nammaplánen Espoos
Ássanguovllu namman šattai boares gilinamma Mulby, go gili milliide ja bealdduide ceagganedje ássandálut. Lávvaplánas Mulby ásaiduhttin dievasmahttojuvvo. Ođđa Mulbyntie-nammasaš oaivegáhta alde sáhttá ain oaidnit bealdojalgadasaid.
Mulby lea Kurttila gávpotpoassi, mas maid Åminne gullá boares Mulby gillái. Mulbys ja Åminnes gávpotnamaid fáddán leat ollu báikenamat, maid mulbylaččat leat geavahan. Åminne dálu nama mielde leat navdojuvvon máŋga gáhta (Åminnentie, Åminnenranta). Gávpotvuovddi namma Uraalinrinne boahtá lássafabrihka ássandálu namas Uraali.
Nama mielde gávdná báikki, ja omd. heahtedáhpáhusain vuoddji gávdná johtilit ja álkit rivttes báikái. Namma lea maid kultur- ja identitehtadahkki. Čujuhus gullá ássiid árgabeaivái ja vuođđodorvvolašvuhtii.
Ođđa ássan Stenbackai
Stenbacka lea dievvá Mulby boahttevaš gávpotduovdagis. Go Stenbacka eana juhkkojuvvui, šadde ránnjážat Övre Stenbacka ja Nedre Stenbacka. Dát guokte dálunama šaddet lávvaplánas maiddái daid gujiid namman mat dolvot dáid dáluide. Gávpotnamain seailluhuvvojit maid Stenbacka bealdduid namat. Bealdu Espoojoga gáttis lea gohčoduvvon namain Åbiten, ja dát namma addojuvvo párkka namman. Bealddunamas Långtegarna muitala párkkanamma Pitkätsarat – Långtegarna.
Rannikko namat
1900-logu álggu bargoveagasearvvi ja bargoveagadálu namma Rannikko lea gáhttanamas Rannikontie – Rannikkovägen (1975).
Mulby sajádatláva ođđa namat leat Rannikkos dollojuvvon márkaniid vuođul navdojuvvon fáddánamat Iltamatie (’eahketmeanuidluodda’), Arpaonnenkuja (’vuorbelihkugudji’) ja Kuplettikuja (’kupleahttagudji’). Muitonamas Vionojantie lea fáddán dáiddár Veikko Vionoja, guhte lea Mulbys eret.
