Sámeguovllu suomagiel báikenamat leat dávjá heivehuvvon dahje jorgaluvvon sámegielain.
Piälppáájávrri girku lea Stuorrâ Piälppáájávrri gáttis Anára nuorttabealde. Suomagiel namma Pielpajärvi lea heivehus anárašgiel namas Piälppáájävri. Nama álgooassi piälpáá mearkkaša unna čohkanjunat muorranjuola ja loahppaoassi lea jávri. Dán guovllus leat maid eará Piälppáá-álgosaš namat: Uccâ Piälppáájävri, Piälppáávuonâ ja Piälppáánjargâ.
Suomagiel namma Kalkuvaara lea maid heivehus anárašgiel namas Kálguvääri. Nama álgooassi lea davvisámegillii gálgu, mii vástida sániid eamit, áhkká. Sarviniemi lea njuolggojorgalus anárašgiel namas Čuárvinjargâ.
Namat sáhttet seailut bures, vaikko báikkit livččege nuppástuvvan sakka dahje sánit mat namain leat, livččege jávkan gielas. Maiddái nammaloanat gielas nubbái duođaštit, ahte namain eai leat gáibiduvvon áddehahtti govvádusat báikkiid birra.
Ruoŧagielas suomagillii ja suomagielas ruoŧagillii
Gielaid váikkuhusa suoma- ja ruoŧagiel namaide sáhttá oaidnit dán kárttas.
Ruoksadin leat merkejuvvon suomagiel guovlluid ruoŧagiel namat dahje nammaávdnasat, alihiin leat fas ruoŧagiel guovllu suomagiel namat dahje nammaávdnasat.
